Նախաբան
«Հինգ զգայարանքները» ժողովածու
Մինչև վերջին օրս ինձի հաւատարիմ եղաք դուք,
Եղաք արթուն ու թրթռուն, օրհնեալ, օժտեալ, կատարեալ.
Տիեզերքի կանգնեցաք ճամբաներու վրայ բանուկ.
Կարաւանները հարուստ թողուցիք զիս մօտենալ։
Եվ փափկօրէն անոնցմէ կողոպտեցիք, խլեցիք
— Իրենք ոչինչ չգիտցած, իրենցմէ բան չպակսած —
Ու բերիք մէջս լընուլ1, ո՜վ իմ ճորտերս ճարպիկ,
Ամէն ինչ որ միջոցին վրայ սփռած էր Աստուած…
Իրերախառն2 այս պահուս, ձայներ, բոյրեր, պատկերներ
Եվ հպումներ և համեր մարմնոյս մէջ պար կը դառնան
Եվ խեղճուկ անձս կընեն անհունութեան պահարան…
Ո՜վ արմատներ, որոնցմէ հոգիս իր հիւթը կ՚առնէր,
Փոխադրեցիք դուք իմ մէջս Աստուծոյ լոյսը անգամ,
Եվ ձեզ ամենքդ հիմայ անոր յանձնել ես կ՚երթամ…։
Ծանոթագրություններ
- 1 Լընուլ — լցնել
- 2 Իրերախառն — խառնակ ժամանակ, քաոս
