Աւազին մեջ
«Հոգեր» ժողովածու
Աւազին մէջ ես կը խրիմ ամէն օր
Եվ որչափ վար իջնեմ, այնչափ մսիս մէջ
Կը զգամ խայթուածքը տենչերու նորանոր,
Այնչա՜փ կայրէ ծխոտ սիրտըս սէրդ անշէջ։
Գիշերին մէջ ես կը ցատկեմ անկողնէս
Եվ փարուելով ճերմակ բարձիս, կ՚արտասուեմ,
Կը պաղատիմ ունենալու համար քեզ
Վերմակին տակ, փայփայանքով, կուրծքիս դէմ։
Եվ կը դողդղամ, ա՛լ անկարող ննջելու…
Հիմա անզիղջ1 մեղաւորն եմ ես՝ հլու
Ծանրութեանը տակ մեղքին և ա՛լ ոչինչ
Պիտի բանայ կոյր այս աչքերը լոյսին.
Կըռկռացող հիւանդ գորտն եմ ճահիճին,
Որ կ՚անարգէ աղբիւրներուն ջուրը ջինջ։
Ծանոթագրություններ
- 1 Անզիղջ — հատու, չզղջացող
