Կը սիրէի
«Հրաշալի յարութիւն» ժողովածու
Կը սիրէի վաղանցուկ խռովքները մարմնական,
Աններելի խռովքներն, որոնց սակայն հեշտանքով
Կը դիմէի աղբիւրին, ինչպէս հոտերը կուգան
Գինովնալով, համրաբար, օշինդրի1 բարկ թուփին քով։
Կը սիրէի ձևերուդ ընտանութիւնը աղուոր,
Ստուերին մէջ դիմացէս հնչող տաք ձայնըդ տրտմած,
Եվ նուրբ հասակըդ ճկուն և աչքերըդ լուսաւոր,
Որ վառելով կ՚իջնէին հոգիիս մէջ մթամած։
Ու կ՚իյնար մութը, ինչպէս օրհնութիւն մը մեր գլխուն,
Կուգար քանդել մեր մէջտեղ թումբը լոյսին, քար առ քար,
Մինչ մազերուդ բերնիս տակ զգլխիչ2 բոյրը անհուն
Խունկէ հոգիդ էր կարծես, որ դէպի ինձ կ՚ամբառնար…։
Ո՜վ սիրական, երբեմնի խռովքներէն վաղանցուկ
Չմընաց բան մը հիմայ, ո՛չ ցաւ, ո՛չ խինդ, ո՛չ նախանձ,
Մինչդեռ հոգիդ, զոր ճանչցայ՝ կը բնակի յիս3 ծածուկ,
Ան իմ սուրբս է, և անոր՝ խոհերըս տօնն են անանց…։
Ծանոթագրություններ
- 1 Օշինդր — թունաւոր բոյս
- 2 Զգլխիչ, զգլխել — արբեցնող, խենթացնող, արբեցնել, խենթացնել
- 3 Յիս — իմ մէջ, ինձ մօտ
Թեմաներ
