Սիրո մեղեդի
Հայուհի գեղեցիկ,
Այս բարդու շվաքում,
Իմ հոգին գերեցին
Աչքերդ երկնագույն։
Ես ինչո՞ւ սիրեցի
Աչքերդ կապուտակ,
Իմ սիրտը այրեցին՝
Հայացքով հուր կրակ։
Քո լուսնյակ պատկերով
Ինձ հանգիստ չես տալիս,
Սիրահար իմ սրտի
Նուրբ լարերն են լալիս։
Հայուհի գեղեցիկ,
Այս բարդու շվաքում,
Իմ հոգին գերեցին
Աչքերդ երկնագույն։
Ախ, ինչո՞ւ չես գալիս,
Ճամփադ շատ պահեցի,
Կարկաչող ջրերի
Օրերս սահեցին։
Երազում թե արթուն
Քո պատկերն եմ հիշում,
Մեր սիրո պարտեզում
Քո երդումն եմ հիշում։
Զեփյուռի հետ արի,
Քո կարոտն եմ քաշում,
Մեր թախծոտ անցյալի
Հուշերն են ինձ մաշում։
Ախ, ինչո՞ւ չես գալիս,
Ճամփադ շատ պահեցի,
Կարկաչող ջրերի
Օրերս սահեցին։
