Հպարտութիւն
«Գ. շրջան. 1915-1920» ժողովածու
Կարենալու համար ապրիլ այսուհետև,
Օդի, ջուրի, հացի նման
Մենք պէտք ունինք Հպարտութեան,
Պէտք ունինք, որ մեր անունն ալ սաւառնաթև
Երկրէ երկիր թռչի երթայ.
Հնչեցընել կ՚ուզենք զանի
Ինչպէս շեփոր մ՚երկրի վրայ,
Կ՚ուզենք, որ ան ծածանի
Ինչպէս դրօշ մը պայծառ,
Եվ ինչպէս ջա՜հ մը կ՚ուզենք՝
Որ ան ըլլայ բոցավառ.
Եվ ինչպէս զէնք՝
Ան պատկառանք ազդէ և ահ,
Եվ իբրև գործ մ՚արուեստի՝
Ըլլայ յանուրց1 պաշտելի
Եվ ըլլա՜յ անմահ…։
Ծանոթագրություններ
- 1 Յանուրց — հանրութեան, ընդհանրութեան
Թեմաներ
