Ես երազիս տիրեցի
«Կէս գիշերէն մինչեւ արշալոյս» ժողովածու
Ինչպէս տիրեց Շամիրամ իրմէ փախչող Արային,
Ես Երազիս տիրեցի՝ մեռցընելով զանիկա,
Եվ տարփավառ1 թագուհւոյն պէս, որ լացաւ դառնագին՝
Իր դիակին վրայ ինկած կը հեծեծեմ ես հիմայ…
Ամենուրեք, աղոտած մահադաշտին վրա մտքիս՝
Կռուէն յետոյ խենթի պէս փնտըրեցի զայն երկա՜ր,
Գտայ զքեզ հետքերէն վարդ արիւնիդ, սիրելի՛ս,
Զարդուզէնիդ մէջ պառկած և ճիշտ սրտէդ նետահար…
Համբոյրներովս հիմայ զո՜ւր կենդանացնել կ՚ուզեմ քեզ
Եվ կը կանչեմ յուշերուս հնօրեայ գունդն յարալէզ2
Լիզել վէրքերըդ անբոյժ. — դուն արդ մեռա՜ծ ես իսպառ…
Բայց, ո՜վ Երազ, զոր կ՚ուտեն արդէն որդերը քանդիչ,
Կ՚ուզեմ խաբել ես աշխարհն, ինչպէս ինքզինքս ալ մի քիչ,
Թէ դուն կ՚ապրիս՝ մի՜շտ աղվոր, հոգիիս մէջ՝ մի՜շտ պայծառ…։
Ծանոթագրություններ
- 1 Տարփավառ — տենչավառ, սիրավառ
- 2 Յարալէզ — առասպելական շներ, որ լիզելով մեռելի վէրքերը, կենդանացնում էին
