Երեք թռչուն
«Սէրը տասնվեց, երեսուն եւ վաթսուն տարեկանին» ժողովածու
Երեք թռչուն թող իր ճամբուն մէջ անոր
Ընկերանան շարունակ,
Թող մէկն ըլլայ դրախտահաւ մը աղուոր,
Ինչպէս որ ինքն է հիմակ։
Եվ թող երկրորդն ըլլայ սոխակ մը պզտիկ,
Կապոյտ ու գորշ իր երգով,
Մտիկ ընէ թող զայն հոգւով հիացիկ,
Սիրտն ըլլայ միշտ հեշտախռով։
Երրորդն ըլլայ թող իր բազկին վրայ թառած
Բազէ մը ժիր, սրաչուի,
Որ իր որսին վրայ անվարան, անկասկած
Ճիրանաբա՜ց կը նետուի։
——————————————————————————————————————
Թեմաներ
