Ինչպէ՞ս խորհիս
«Սէրը տասնվեց, երեսուն եւ վաթսուն տարեկանին» ժողովածու
Ինչպէ՞ս խորհիս, սիրական,
Որ խորհուրդներս ամէն
Քեզ կը գգուեն, կը շնչեն,
Վրադ խենթի պէս կ՚իյնան,
Մարմինդ ամբողջ կը ծածկեն,
Կը հեծկլտան, կը դողան,
Եվ սարսուռովն հեշտութեան
Կը վայելե՜ն քեզ արդէն…
Ինչպէ՞ս խորհիս, բայց ինչպէ՞ս
Կարենամ ես ալ քեզի
Հաղորդուի՜լ այլապէս…
Արիւնս ամբողջ կը կասի,
Երբ կը խորհիմ, թէ կրնաս
Միայն խորհի՜լ դուն վրաս…։
