Անդարձ գնացած
1903
Ամպերն են իջնում բարձր քերծերից1,
Թռչնակըս ինչո՞ւ այսքան ուշացավ,
Դողում է սիրտս մռայլ կասկածից,
Ու մութը քանի գնաց, թանձրացավ։
Եվ ճեղքելով ամպ ու մշուշ՝
Անգղն եկավ՝ ճանկերն արյուն…
Ու մութը քանի գնաց, ծանրացավ,
Սիրտըս հուսաբեկ՝ լալիս է տխուր.
Իմ խեղճ թռչնակս, արդյոք, ի՞նչ եղավ,
Վայում է քամին դաշտերում թափուր։
Եվ ճեղքելով մլարն2 ու մուժ3՝
Անգղն եկավ՝ կտուցն արյուն…
1903
Ծանոթագրություններ
- 1 քերծ — ժայռ, ապառաժ (բարբառային)։
- 2 մլար — մշուշ, մառախուղ։
- 3 մուժ — մառախուղ, թանձր մշուշ։
