Եղիշե Չարենց Դու ոսկի գրիչ ունես

«Ռուբայաթ» ժողովածու · 1926

Դու ոսկի գրիչ ունես, դու այնպես իմաստո՛ւն ես, Ինքդ քեզ հրաժեշտ ես ասում, ինքդ քեզ կրկի՛ն ընդունում ես, Գիտես, որ՝ լինելով է լինում, հատնելով է անհատնում այս տունը— Եվ մի՛շտ ծիծաղկուն է հոգիդ ու սիրտդ՝ մշտապես խնդո՛ւն է։
Թեմաներ
իմաստությունփիլիսոփայությունստեղծագործություն

Ձեզ կարող է դուր գալ

Հովհաննես Շիրազ Հովհաննես Շիրազ

Հավերժական վեճ

Աստղերը մի օր լուսնյակին ասին.
— Ինչո՞ւ են անվերջ խոսում քո մասին.
Բանաստեղծները՝ լուսնոտի նման,
Մեզ էլ են գովում, բայց քեզ՝ անսահման…
փիլիսոփայություն
Հովհաննես Շիրազ Հովհաննես Շիրազ Քառյակ

Հեռապատում

Գիտեմ՝ ինչ են ծով աստղերը՝ գալիքների ծով պաշար,
Տիեզերքի տիրակալն է հերթի դրել շարեշար,
Որ երբ հսկա արևն հանգչի, մի աստղ դնե նրա տեղ,
Որ կյանքն հավերժ ու դու հավերժ հրաշք մնաս, ո՜վ աշխարհ։
փիլիսոփայությունժամանակ
Հովհաննես Շիրազ Հովհաննես Շիրազ Քառյակ

Խոհապատում

Այսքան տարի այս երգերով միտք եմ անում, ի՞նչ արի,
Այս երգերով, այս վերքերով ինչ որ արի՝ շատ արի,
Ես իմ մահը հազար տարով դուրս վանեցի աշխարհից,—
Թեկուզ հազար երազ լինի՝ արթուն վիշտս նինջ արի։
փիլիսոփայությունկյանք
Հովհաննես Շիրազ Հովհաննես Շիրազ Քառյակ

Լուսնապատում

Լուսնի վրա ես ման եկա՝ չկար գարուն ինձ նման,
Քարացել է մահն ամենուր ու մենությունն ինձ նման,
Ա՜խ, այստեղ էլ կյանք է եղել ու բանաստեղծ միգուցե,
Թափառել է ու երազել անմահություն, ինձ նման։
մենությունփիլիսոփայություն

Ստեղծագործության մասին

Ժանր Քառյակ
Գրության թվական 1926 թ.
Ժողովածու Ռուբայաթ
Տողերի թիվ 4