«Դու հրե մի ուրու[^1] ես, աղջի՛կս,»
«Ողջակիզվող կրակ» ժողովածու · «Առավոտ»
Դու հրե մի ուրու1 ես, աղջի՛կս,
Դու մոտիկ ու հեռու ես այնպես։
Դու փրփուր ու պուրպուր մի աղջի՛կ ես —
Ու մոտիկ ու հեռու ես այնպես։
Քո փայլով դու վառել ես երկիրը,
Կարոտով ու փայլով քո անուշ.
Քո կարոտը վաղո՜ւց ես երգել եմ —
Քո կարոտը ու փառքը անուշ։
Դու հիմա կարկաչում ես, կանչում ես,
Երերում ես հրե օրերում.
Դու կարմի՛ր քայլերգի մի հնչյուն ես —
Կարկաչում ու կանչում ես հեռու…
Ծանոթագրություններ
- 1 ուրու — մեռելի ոգի, ուրվական. փխբ. ստվեր, ուրվական
