Գարունքի հաղթությունը
Ծիծեռնակը համբավ բերավ նոր գարունքից,
Եվ ահա նա մոտենում է մեզ դաշտերից.
Այս համբավը երբ որ լսեց ծեր ձմեռը,
Փընթփընթալով քաշվեց գնաց ցուրտ լեռները.
Բայց գարունը գնաց հասավ հետևիցը
Եվ դուրս հանեց ձյունով պատած լեռներիցը.
Ձեռք ու ոտքը պինդ շղթայով լավ կապոտեց,
Մասիս լեռան սառնարանի բանտը ձըգեց.
Բայց ափսոս որ այս պատիժը շատ թեթև էր,
Որովհետև միայն ութ ամիս պիտի տևեր։
