«Դա՛րդըս լացեք, սարի սըմբուլ…»
1893
Դա՛րդըս լացեք, սարի սըմբուլ,
Ալվան — ալվան ծաղիկներ.
Դա՛րդըս լացեք, բաղի բլբո՛ւլ,
Ամպշող երկնուց զով — հովեր…
Երկինք — գետինք գլխուս մթնան,
Անտուն — անտեր կուլամ ես.
Յարիս տարա՜ն — ջանիս տարա՜ն,
Հոնգո՛ւր — հոնգո՛ւր կուլամ ես…
Ա՜խ, յարս ինձի հանեց սըրտեն,
Անճար թողեց ու գընաց.
Սըրտիս սավդեն — խորունկ յարեն
Անդեղ թողեց ու գընաց։
Դա՛րդըս լացեք, սարի սմբուլ,
Ալվան — ալվան ծաղիկներ,
Դա՛րդըս լացեք, բաղի բլբուլ,
Ամպշող երկնուց զով — հովե՜ր…
1893, Վիեննա
Թեմաներ
