Դեղին վարդեր
1903
Դեղին վարդեր մայիսի,
Բուրումներով խնկավետ,
Թալկության մը մեջ հավետ
Կը տժգունին մեկուսի։
Հեք սիրտերու մըտերիմ,
Տժգո՜ւյն վարդե՜ր մայիսի,
Հեշտ նազանքով մը կույսի,
Ու, հատնումեն ոխերիմ,
Կու լան։ Հեւքով նըվաղկոտ
Եղկ բուրում մը կը խուսի
Տժգույն վարդեն մայիսի.
Ու կանգ կ՚ առնե իսկույն հոտ։
Լըքված հոգին մեկուսի,
Որ կը մըխա անտերունջ,
Մինչեւ խամրի ալ անշունչ
Վարդերուն պես մայիսի։
1903
