Եղիշե Չարենց Եղե՞լ է երբ, որ քո մտքում

(Ժ)

«Գիրք իմացության» ժողովածու · «Ռուբայիններ» · 1934

Եղե՞լ է երբ, որ քո մտքում հուրհուրացող խոհ մի խոր Գրի առած՝ լինի այդքա՛ն ինքնաբավ ու այդքան նո՛ր. — Ա՜խ, բույր ունեն խոհերը մեր, ունեն կշիռ, ունեն խորք, Բայց գրքերում դառնում են լոկ — ցոլք ու ցնորք հեռավոր։—
Թեմաներ
ստեղծագործությունպոեզիափիլիսոփայություն

Ձեզ կարող է դուր գալ

Հովհաննես Շիրազ Հովհաննես Շիրազ

Արծիվը

Արծիվ լեռների, արծիվ սիգապանծ,
Հասարակ մի հավ քեզնից վեր սուրաց…
— Կյանք է, և ահա այդ էլ պատահեց,—
Երգերիս արծիվն ինձ պատասխանեց։
արծիվպոեզիա
Հովհաննես Շիրազ Հովհաննես Շիրազ

Հավերժական վեճ

Աստղերը մի օր լուսնյակին ասին.
— Ինչո՞ւ են անվերջ խոսում քո մասին.
Բանաստեղծները՝ լուսնոտի նման,
Մեզ էլ են գովում, բայց քեզ՝ անսահման…
փիլիսոփայություն
Հովհաննես Շիրազ Հովհաննես Շիրազ Քառյակ

Հեռապատում

Գիտեմ՝ ինչ են ծով աստղերը՝ գալիքների ծով պաշար,
Տիեզերքի տիրակալն է հերթի դրել շարեշար,
Որ երբ հսկա արևն հանգչի, մի աստղ դնե նրա տեղ,
Որ կյանքն հավերժ ու դու հավերժ հրաշք մնաս, ո՜վ աշխարհ։
փիլիսոփայությունժամանակ
Հովհաննես Շիրազ Հովհաննես Շիրազ Քառյակ

Խոհապատում

Այսքան տարի այս երգերով միտք եմ անում, ի՞նչ արի,
Այս երգերով, այս վերքերով ինչ որ արի՝ շատ արի,
Ես իմ մահը հազար տարով դուրս վանեցի աշխարհից,—
Թեկուզ հազար երազ լինի՝ արթուն վիշտս նինջ արի։
փիլիսոփայությունկյանք

Ստեղծագործության մասին

Ժանր Քառյակ
Գրության թվական 1934 թ.
Ժողովածու Գիրք իմացության
Տողերի թիվ 4