Ինքս ինձ հյուր
«Գիրք մնացորդաց» ժողովածու · 1959
Սիրում եմ լինել ինքըս իմ հյուրը
Ու հյուրասիրվել համեղ… հուշերով,
Եվ կոչնակներ ունենալ նրանց,
Որոնց անունը ես չեմ մոռանա,
Ինչպես սեփական իմ իսկ անունը,
Բայց նաև նրանց, անունը որոնց
Ես — մի՛ զարմացեք — չեմ հիշում արդեն,
Եվ չի գտնըվի գեթ մի մարդ կյանքում,
Որ կարողանար ինձ հիշեցընել
Անունը նրանց,-
Եկան ու չանցան՝
Մի մազ տանելով,
Մի մաս պարգևած…
[1959թ.]
Թեմաներ
