Օգնականը ես եմ
«Սեզամ, բացվիր» ժողովածու
Քույրս մասուր է քաղում,
Օգնականը ես եմ։
Հայրս աղուն է աղում,
Օգնականը ես եմ։
Մայրս ալյուր է մաղում,
Օգնականը ես եմ։
Տատս խմոր է շաղում,
Օգնականը ես եմ։
Պապս կախան է կախում,
Օգնականը ես եմ։
Հոգնել է բոցն օջախում,
Օգնականը ես եմ։
Ով ինչ անի մեր թաղում,
Օգնականը ես եմ…
Վերջ — հոգեվարք ու թաղում.
Օգնականը ես եմ…
Տեսնենք ինձ ո՞վ է թաղում.
Ո՞վ կա… Տանը ես եմ,—
Օգնականը ես եմ։
