Վագրն ու կատուն
«Ձեր ծանոթները» ժողովածու · 1971
Տեսե՛ք՝ Վագր է սա,
Իսկ սա էլ կատու։
Իրար նման չե՞ն,
Բա չե՞ք նկատում,
Որ կարծես Վագրի քթից է ընկել
Ձեր լավ խաղընկեր,
Մեր ընկեր Կատուն։
Այնպես է եղել, որ իսկապես է՛լ
Վագրը մի ցուրտ օր
Շա՜տ, շատ է մրսել,
Իսկ մութ անտառում՝
Ի՜նչ դեղ ու բժիշկ,
Մրսած Վագրին ո՞վ կամ ինչպե՞ս բուժեր։
Ու փռշտում է Վագրը շատ ուժեղ։
Եվ նրա քթից մի բան է կաթում,
Որ տեղն ու տեղը դառնում է... Կատու։
Դրա համար էլ նման են այդքան
Մեր ընկեր Փիսոն և Վագըր արքան։
Թեմաներ
