Միոտնանին
«Դիմակներ» ժողովածու · 1963
Մի ոտ չունեմ,
Ուստի և ձեր երկուսի տեղ
Երեքն ունեմ։
Երկու ոտով,
Ինչ դուք չունեք և հեշտ կոչում եք «հենակներ»,
Ես մայթերն եմ կետադըրում,
Որ մարդկային կյանքի վեպը դյուրին կարդա
Մայթագրեր ընթերցելու ընդունակը,
Իսկ երրորդով,
Որի համար ինձ կոչում են միոտանի
Երրորդով էլ տնտեսում եմ տան ծախսերըս՝
Ձեր զույգի տեղ միշտ կենտ կոշիկ պատվիրելով։
Չե՞ք նախանձում…
Երևան, Չանախչ, [1963թ.], [X,XI.1965թ.]
