«Զանապական ըզհոգեւոր ըզգանձըն»
«Շարականներ» ժողովածու
Զանապական ըզհոգեւոր ըզգանձըն
Յապականացու կենցաղըս ծախեցի,
Այլ առ քեզ միայն պաղատիմ,
Բարերար փըրկի՛չ,
Խնայեա՛ ի մեղուցեալ ծառայս։
Ըզցանգ հոգւոյ իմոյ քակտեցի
Եւ եղէ անբարունակ որթ,
Այլ առ քեզ միայն պաղատիմ,
Բարերար փըրկի՛չ,
Խնայեա՛ ի մեղուցեալ ծառայս։
Ոստաքանց եղէ ես որպէս զարմաւենի
Պըտղակորոյս՝ որպէս ձիթենի,
Այլ առ անյիշաչար եւ անոխակալ փըրկի՛չ,
Խնայեա՛ ի մեղուցեալ ծառայս։
