Բարև այբբենարան
Վեցս նոր եմ բոլորել,
Եվ ուզում եմ սովորել,
Գրել-կարդալ իմանամ,
Որ հասկանամ ամեն բան։
Պատմել գիտեմ ես արդեն,
Բայց տառերը շատ բարդ են,
«Այբբենարան» իմ գրքով
Կսովորեմ ես հերթով։
Ես ուրախ եմ դպրոց եկել,
Հետս ունեմ խաղալիքներ,
Սովորելուց եթե հոգնեմ,
Խաղալիքներն ինձ շատ կօգնեն։
Տե՜ս, դասարան մտա, մայրի՜կ,
Արդեն մե՞ծ եմ, թե՞ դեռ փոքրիկ,
Վախենում եմ դու շատ տխրես,
Լավ կլինի՝ կողքիս նստես։